Abatakuli bathole izidumbu kuthungathwa indiza yaseMyanmar eyaphahlazeka

Abasebenzi baseMyanmar Navy kanye ne-Air Force bajoyinwe ngabadobi ngoLwesine ekukhipheni izidumbu nezingxenye zezindiza olwandle ngaseMyanmar, lapho kwaphahlazeka khona indiza yamasosha ebithwele abantu abangu-122 okubalwa nezingane ezingu-15 ngosuku olwedlule, kusho izikhulu.

Indiza enenjini emine eyakhiwe ngamaShayina i-Y-8 turboprop yayishiye i-Myeik, eyaziwa nangokuthi i-Mergui, ilibangise e-Yangon emzileni odlula oLwandle i-Andaman.

Izulu belina ngesikhathi kulahleke ukuxhumana nalo ngo-1:35 ntambama ngoLwesithathu, liseningizimu-ntshonalanga yedolobha laseDawei, elaziwa ngokuthi iTavoy.

Umbutho wamasosha umemezele ukuthi izidumbu zabantu abangu-29 sezitholakele ngasekupheleni kukaLwesine ntambama.