Okungenani abantu abangu-37, okuhlanganisa nezingane ezine, kusatshwa ukuthi bashonile, kwathi abanye abangu-36 balimala ngesikhathi ibhasi ebelithwele amakholwa elibuya endaweni engcwele yaseSaptshringi eNashik liwela emgodini ngeSonto ebusuku.
Amaphoyisa athi ibhasi likanokusho lenkampani ezimele belibuya endaweni engcwele eNandurigaon ngesikhathi liwela emhosheni.
“Besiya eMumbai, ibhasi lagingqika ngesikhathi lijika angazi ukuthi kwenzeke kanjani,” kusho isihlobo sikamufi.
Ngokusho kwabagibeli amabhuleki abhuntshile, umshayeli uvele waphuma, ibhasi laphoseka emhosheni. Izakhamuzi ezisuka ngaphakathi nasezindaweni ezizungezile zasebenzisa amashidi ukuze zikhiphe abalimele, iningi labagibeli lalivela endaweni yaseMumbai eWorli.
”Sithole ukuthi ibhasi beligcwele ngokweqile. Leli bhasi belakhelwe ukuthwala abantu abangu-45 kuphela kodwa belithwele abagibeli abalinganiselwa ku-80 ngesikhathi liphahlazeka. Kwabasindile ebhasini siphinde sazi ukuthi leli bhasi belishayelwa umshayeli oyedwa kusukela ezinsukwini ezine ezedlule. Ibhasi belihambele izindawo ezingcwele,” kusho uNikhil Gupta, SP, Nashik.
“Kube nengozi yomgwaqo namuhla. Ibhasi lawela emhosheni ngesikhathi lijika iphinifa. Ibhasi yehla izingxenye ezimbili. Babalelwa ku-35 abantu abashonile kule ngozi,” kusho uYash Seturamchoplingam, iMantshi yesiFunda, uNashik.
Abagibeli abalimele bangeniswe esibhedlela iVani Rural eNashik.
”Sibonile ukuthi ibhasi liwile. Unyazi wakithi weza nemoto yakhe lapho ebona lokhu. Asazi ukuthi ingozi yenzeke kanjani,” kusho isakhamuzi.
ndtv.com
