YAoundE – Inkampani yezindiza entsha yaseCameroon, iCamairco, ezovala isikhala senkampani ewile iCameroon Airlines, ihlose ukuthenga izindiza zeBoeing, kusho ungqongqoshe wezokuthutha enkabeni ye-Afrika ngoMsombuluko.
Inkampani yezindiza entsha ingase isebenze zingakapheli izinyanga ezintathu, kusho isikhulu esiphezulu seCamairco, sikhuluma ngombandela wokudalulwa igama. Ekuqaleni kwalonyaka, uhulumende uthe uqoqe izigidi ezilikhulu lamatshumi amabili lanhlanu zamadola-$125 million ukuthenga indizamtshina ezintathu.
"Inkampani yethu engasekho yezokuthutha emoyeni iCameroon Airlines ibihlala isebenzisana neBoeing futhi sifuna ukuthi kuqhubeke," kusho ungqongqoshe wezokuthutha uBello Bouba Maigari ngemuva kokuthi ithimba lenkampani yaseMelika livakashele inhlokodolobha.
"Bonke abashayeli bezindiza bethu baqeqeshwe (ngo) ubuchwepheshe be-Boeing kanye nabasebenzi bethu abalungisa izindiza," esho.
I-Cameroon ibheka uzakwethu wangaphandle ongathenga ingxenye enkulu ye-Camairco.
NgoMashi, inkantolo ephakeme yaseCameroon yathwesa lowo owayengumphathi we-Cameroon Airlines icala lokukhwabanisa imali ecishe ibe yizigidi ezingama-250.
I-Boeing, edayisa iningi lezindiza zayo e-United States naseChina, ithe ngoLwesibili ilindele ukuthi imakethe yezindiza emhlabeni wonke izosimama ngo-2011.
