SAO PAULO, Brazil – Isikebhe ebesithwele abagibeli abangaphezu kuka-100 sishayisane nesikebhe ebesithwele amathangi kaphethiloli sacwila ngaphansi komfula i-Amazon ngoLwesine, kusho izikhulu. Okungenani bangu-10 abantu abashonile, abanye abayisishiyagalolunye belahlekile futhi besatshwa ukuthi bashonile.
I-Almirante Monteiro ike yaphenduka entathakusa eduze kwedolobha elicezile laseBrazil, i-Itacoatiara e-Amazonas, kusho okhulumela abezicishamlilo uLt. Clovis Araujo.
Uthe bangu-92 abantu abahlengwe yizikebhe ezincane ezimbalwa kanye nesiteshi samaphoyisa esintantayo kuhulumeni, okuyisikebhe esingamamitha angu-32 esihla senyuka nomfula futhi sasikule ndawo ngesikhathi kuphahlazeka umkhumbi.
Amathimba abatakuli athole izidumbu zezingane ezine, abesifazane abahlanu nendoda eyodwa, kusho u-Araujo, kanti isheke lemininingwane yabagibeli besikebhe ikhomba ukuthi abantu abayisishiyagalolunye bebengakatholakali.
“Amathuba okubathola bephila akude,” esho. “Sizoqhubeka nokuthungatha kuze kutholakale isidumbu sokugcina.
Uthe akazi ukuthi bangaki abantu abebesesikebheni, kodwa “akekho olimale nesikebhe asilimalanga.”
Iningi labadukile cishe bekungabagibeli abebelele emakhabetheni angaphakathi komkhumbi wamapulangwe onezitezi ezimbili futhi abakwazanga ukuphuma ngaphambi kokuba isikebhe sizike, kusho okhulumela uMnyango wezokuPhepha koMphakathi esifundazweni u-Aguinaldo Rodrigues.
“Ngokwazi kwethu, cishe bonke abasindile kwakungabagibeli ababelele kuma-hammocks edekhini,” kusho uRodrigues.
URodrigues uthe bekusekuseni kakhulu ukucacisa ngezimbangela zengozi, kodwa "ukubonakala bekukubi kakhulu" ngesikhathi kushayisana ilanga eliqale ngoLwesithathu ebusuku.
Abasindile bayiswa edolobheni elincane laseNovo Remanso futhi bakhoseliswa esontweni lendawo. Babezothathwa ngendiza enophephela emhlane bayiswe enhloko-dolobha yesifunda saseManaus.
izindaba.yahoo.com
