I-Qatar Airways kanye ne-Qatar Duty Free (QDF), inkampani yezindiza esemthethweni kanye nabaxhasi bezitolo zoMqhudelwano we-Qatar Total Open Women's Tennis Tournament 2018, ihalalisela u-Petra Kvitova ngokunqoba kwakhe kumdlalo wokugcina walo mqhudelwano izolo ebusuku.
Umncintiswano ovusa amadlingozi ububanjelwe e-Khalifa International Tennis kanye ne-Squash Complex esezingeni eliphezulu e-Doha kusukela mhla ziyi-12-18 kuNhlolanja wezi-2018, futhi ubonakale uyimpumelelo enkulu phakathi kwabalandeli bamazwe ngamazwe nabasekhaya ngokufanayo. Umpetha omusha uthole isicoco sakhe ngemuva kokunqoba uGarbine Muguruza ngokunqoba ngo 3-6, 6-3, 6-4 emdlalweni wokugcina walo mqhudelwano.
Iphini Likamongameli Omkhulu Wezokumaketha Nezokuxhumana Kwe-Qatar Airways, uNksz Salam Al Shawa, uthe: “I-Qatar Airways ijabule kakhulu ukuhalalisela uPetra Kvitova, odle umhlanganiso weQatar Total Open walo nyaka, ngokunqoba kwakhe ngendlela emangalisayo. I-Qatar Airways izishaya isifuba ngokuba umxhasi omkhulu wemicimbi eminingi yezemidlalo emhlabeni jikelele nokusebenzisa ezemidlalo njengendlela yokuhlanganisa abantu. Sibheke ngabomvu eminye imicimbi ethokozisayo ezayo kulo nyaka, okuhlanganisa neNdebe Yomhlaba yeFIFA ka-2018 eRussia™, lapho i-Qatar Airways ihamba phambili njengozakwethu Wezindiza Ezisemthethweni we-FIFA.”
Inhloko ye-Qatar Duty Free, uMnu. Thabet Musleh, uthe: “I-Qatar Duty Free iyakuthokozela ukuhalalisela u-Petra Kvitova ngokuwina kwakhe okumangalisayo ku-Qatar Total Open 2018 yalo nyaka. Sibonga zonke izibukeli ezivakashele idokodo lethu le-Qatar Duty Free futhi babamba iqhaza umncintiswano wethu okhethekile. Sithanda futhi ukuhalalisela abawine inhlanhla abaklonyeliswe ngemiklomelo eyisipesheli esayinwe abadlali abasezingeni eliphezulu kulo mqhudelwano.”
Umqondisi Womqhudelwano Wethenisi Yabesifazane I-Qatar Total Open, uMnu. Saad Al-Mohannadi, uthe: “Sihalalisela u-Petra Kvitova ngokuwina i-Qatar Total Open 2018. Umqhudelwano ube yimpumelelo ebabazekayo kanye nomncintiswano othokozisayo kubalandeli bamazwe ngamazwe nabasekhaya. Sithanda ukubonga bonke abadlali ababambe iqhaza nezibukeli ezinothando ngokwenza iTotal Open yalo nyaka ibe isonto eliyimpumelelo nengeke ilibaleke.”
I-Qatar Airways, i-Official Airline uzakwethu we-FIFA, ingumsekeli oholayo wemicimbi yezemidlalo emikhulu yomhlaba wonke, okuhlanganisa neNdebe Yomhlaba yeFIFA ka-2018 eRussia™ kanye neFIFA Club World Cup™.
Inkampani yezindiza ewine imiklomelo isanda kuthola izindondo eziningi, okuhlanganisa 'Inkampani Yezindiza Yonyaka' yimiklomelo ehlonishwayo ye-2017 Skytrax World Airline Awards, ebibanjelwe e-Paris Air Show. Sekungokwesine iQatar Airways inikezwa lokhu kuhlonishwa emhlabeni jikelele. Ngaphezu kokuvotelwa 'Inkampani Yezindiza Engcono Kakhulu Emhlabeni' abavakashi abavela emhlabeni wonke, inkampani yenethiwekhi kazwelonke yaseQatar iphinde yawina imiklomelo emikhulu emcimbini, okuhlanganisa 'Inkampani Yezindiza Engcono Kakhulu eMiddle East,' 'Ikilasi Lebhizinisi Elingcono Kakhulu Emhlabeni' kanye ' Indawo Yokulala Yezindiza Ehamba Phambili Yekilasi Lokuqala Emhlabeni.'
I-Qatar Airways isebenzisa iqoqo lesimanje lezindiza ezingaphezu kuka-200 kunethiwekhi yezindawo zamabhizinisi nezokungcebeleka ezibalulekile ezingaphezu kwe-150 kulo lonke elaseYurophu, eMpumalanga Ephakathi, e-Afrika, e-Asia Pacific, eNyakatho Melika naseNingizimu Melika. Inkampani yezindiza yethula inqwaba yezindawo ezintsha ezijabulisayo ezihlelelwe u-2018, okuhlanganisa iThessaloniki, Greece kanye neCardiff, e-UK, ukukha nje ezimbalwa.
