Uhlelo lwesibili lweSanganai Hlanganani World Travel and Tourism Africa Fair luzobanjelwa eHarare e-Exhibition Park kusukela mhlaka-14-17 October.

Engxoxweni, umphathintambo weZTA uMnumzana Sugar Chagonda uthe umbukiso lo uzasiwa eHarare lonyaka ngemva komnyaka wokuqala wasungulwa koBulawayo.

“Ngingakuqinisekisa ukuthi umbukiso wesibili weSanganai Hlanganani World Travel and Tourism Africa Fair uzoba senhlokodolobha (i-Harare) njengoba iZTA ihlose ukwenza lo mcimbi kuzo zonke izifundazwe ezinkulu zezwe. “Ngonyaka odlule umbukiso wenziwa koBulawayo waba yimpumelelo, nathi sinethemba lokuthi sizokwenza okufanayo nalapha eHarare,” usho kanje.

Loba kunjalo, uMnu. Chagonda wengeze wathi umcimbi walonyaka uzakuba mkhulu ngoba inengi lababukisayo abangene kuhlelo lwakuqala koBulawayo baphuma ikakhulu eHarare okulenani elikhulu lamatshumi ayisitshiyagalolunye ekhulwini (80%) lababukisayo abaphatheke kulo.

“Amafemu eHarare ahlanganise abantu abangaba ngamatshumi ayisitshiyagalombili ekhulwini (80%) ababukisa embukisweni wakoBulawayo.

“Njengoba umcimbi walonyaka uzaqhutshelwa esigodlweni, amankampani amanengi ahlulekile ukuya embukisweni wakoBulawayo ngenxa yendleko zokuthutha angeke abe lolohlupho lonyaka.

“Kumanje sinezinkampani ezingaphezu kuka-230 eseziqinisekise ukuthi zizobamba iqhaza kwiSanganai Hlanganani World Travel and Tourism Africa Fair,” usho kanje.

UMnu. Chagonda wengeze wathi amankampani lamanye amazwe avela kwele Iran, United Kingdom, leSouth Africa, lamanye asebhalisele ukuphatheka kulonyaka.

ISanganai Hlanganani Fair yalo nyaka izophinde igxile ekukhangiseni ezokuvakasha zakuleli. “Nakulo nyaka kuzogxilwa kakhulu kwezokuvakasha kuleli. Sifuna ukuthi ibe nkulu njengenhlalayenza.

“Sizophinde sigxile odabeni olubandakanya wonke umuntu njengoba uhlelo lwalo nyaka luzoba ngelokuqala selokhu kwasungulwa uhulumeni wobumbano ngamaqembu amakhulu ezepolitiki ezweni, ngakho-ke, sizozama ukuveza lowo mqondo wokubandakanya umbukiso,” usho kanje.