ISouth African Tourism (SAT) iqoke uThandiwe Sylvia January-Mclean njengesikhulu esiphezulu sayo.
U-January-Mclean njengamanje uyiNxusa laseNingizimu Afrika e-Portugal futhi uzoqala indima yakhe entsha yeminyaka emithathu mhla lu-1 kuMasingana wezi-2010.
UNgqongqoshe Wezokuvakasha waseNingizimu Afrika u-Marthinus van Schalkwyk uthe: “Ikhono lika-January-Mclean njengemenenja eseqophelweni eliphezulu, ukuqonda kwakhe okukhethekile uhlobo lwaseNingizimu Afrika kanye nokuqonda kwakhe izinselelo zamasu emboni yezokuvakasha kuzomsiza kakhulu esikhundleni sakhe esisha. Ezokuvakasha eNingizimu Afrika zikhule ngendlela ehlukile kule minyaka eyishumi edlule, kodwa imboni nayo ibhekene nezinselelo eziningi. Nginesiqiniseko sokuthi u-January-Mclean uzoqondisa i-SAT ngendlela efanele ukuze asebenzise amathuba amasha.”
U-January-Mclean uthatha izintambo ku-SAT u-Didi Moyle, obambe njengesikhulu esiphezulu kusukela ngo-March 2009.
UVan Schalkwyk wengeze wathi: “UNksz Moyle wenze umsebenzi oncomekayo njengebamba lesikhulu esiphezulu kulesi sikhathi esimatasa njengoba silungiselela iNdebe Yomhlaba Kanobhutshuzwayo ka-2010 futhi kube yinhlanhla ukuba naye ephethe iSAT.”
