LHASA – Tibet Autonomous Region ihlose ukusingatha izivakashi eziyizigidi ezintathu kulo nyaka, kusho ihhovisi lesifunda.
Ithole izivakashi ezifika ezigidini ezi-2.2 ngo-2008.
Njengoba ithinteke kakhulu izibhelu zangoMashi 14, ukuzamazama komhlaba eSichuan kanye nokundindizela kwesifunda, ezokuvakasha zaseTibet zibe nokuwohloka komnotho kodwa seziyavuseleleka, kusho uQiangba Puncog, usihlalo kahulumeni wesifunda.
Lesi sibhelu sidale ukwehla ngamaphesenti angama-69 enanini lezivakashi kanye nokwehla ngamaphesenti angama-72 emalini engenayo engxenyeni yokuqala ka-2008.
Ngo-2007, lesi sifunda saheha irekhodi eliphezulu lezivakashi eziyizigidi ezine, savuna ama-yuan ayizigidi eziyizinkulungwane ezingu-4.8 (cishe amaRandi ayizigidi ezingu-702).
Lesi sifunda sehlise izindleko zokuhamba namahhotela ngethemba lokuheha abavakashi basekhaya nabakwamanye amazwe. Enhlokodolobha yesifunda i-Lhasa, amahhotela amaningi athathe amaphesenti angama-20 kuye kwangama-70 emalini yamagumbi awo, kuyilapho amathikithi endiza asuka eBeijing eya eLhasa asetholakala ngamaphesenti angama-70 noma angama-80 emali yokugibela yasekuqaleni.
