Izinyunyana ziyaseseka isiteleka sabashayeli bezindiza iSouth African Airways ngenxa yezinsolo zokungaziphathi kahle

ISouth African Cabin Crew Association (SACCA) kanye neNational Union of Metalworkers of South Africa (NUMSA) futhi basibonile isimemezelo esenziwe yiSouth African Airways Pilots Association (SAAPA) ngenhloso yabo yokungenela isiteleka Izindiza zaseNingizimu Afrika (SAA).

UChristopher Shabangu, iPhini likaMongameli we-SACCA, kanye no-Irvin Jim, uNobhala Jikelele we-NUMSA, bakhiphe isitatimende esihlanganyelwe esilandelayo:

Okukhulu phakathi kwezikhalo zabo wukungabi bikho kobuholi ezingeni eliphezulu kwa SAA kanye nokuthi inkampani yezindiza idinga ukuthatha izinyathelo ezifanele ngokushesha ezidingekayo ukuze kuqinisekiswe ukushintshwa okufanele kwe-SAA futhi iyibuyisele ekusimameni.

I-NUMSA kanye ne-SACCA bayazeseka izimfuno zabashayeli bamabhanoyi. Ngokuhlangene i-NUMSA kanye ne-SACCA bebehola umkhankaso kwa-SAA kanye ne-SAAT wokuqeda inkohlakalo nokuphoqa ibhodi nabaphathi ukuthi bathathe izinyathelo ezidingekayo ukuze #SaveSAA futhi yenze inzuzo futhi. Amalungu ethu abe namamashi njalo, imibhikisho kanye namapiki ukugqamisa inkinga yabaphathi e-SAA. Ngaphezu kwalokho, sizamile ukungenelela ngesikhathi lowo owayeyi-CEO yeQembu uVuyani Jarana esula esikhundleni ngenxa yokukhungatheka ngoba uhulumeni umnikazi wamasheya enqaba ukuxhasa ngesu lokulungisa izinto ayelenzile, elaliklanyelwe ukubuyisela inkampani yezindiza enzuzweni.

Ukwengeza esinyathelweni esithathwe yizinyunyana zombili lezi zinyunyana, i-NUMSA iye enkantolo izikhathi eziningi ukuze iphoqe ibhodi lezindiza nabaphathi ukuthi basebenzise okutholwe uphenyo oludalula inkohlakalo emazingeni aphezulu enkampanini yezindiza. Kuze kube yimanje le nkampani yezindiza isishaye indiva umyalelo wenkantolo ngoba kunenqwaba yezikhulu nezimenenja ezisaqhubeka nokusebenza kwaSAA, phezu kokuba kugcwele ifu lezinsolo zenkohlakalo.

I-SACCA ne-NUMSA bebelokhu bekhala ngokuthi akuchithwe ibhodi lakwa-SAA kukhishwe wonke amalungu ebhodi ngoba awazange enze izinto ezithinta inkampani yezindiza. Senze njalo ikhwelo lokuthi ibhodi kumele libunjwe kabusha futhi limelwe ngabamele abasebenzi, amabhizinisi kanye nohulumeni. Ngale ndlela abasebenzi bangadlala indima yokwengamela futhi baqinisekise ukubusa okuhle nokuba sobala.

Sesibhale kaningi sibhalela uNgqongqoshe uPravin Gordhan simcela ukuthi ahlakaze ibhodi elikhona lakwaSAA njengoba lingenzi kahle futhi liyisithiyo kunesixazululo ezinkingeni zenkampani yezindiza.

IZINSOLO ZOKUZIPHATHA KAHLE KWEbhodi lakwa-SAA

I-SACCA kanye ne-NUMSA muva nje kudingeke ukuthi babhekane nolunye udaba esikholwa wukuthi luwukuziphatha kabi kwamanye amalungu ebhodi. Sabhalela ibhodi lakwa-SAA mhla zingama-25 kuMandulo wezi-2019 silicela ukuthi lisukumele ngokutholwe kwakamuva kocwaningomabhuku lwangaphakathi oluthinta amanye amalungu ebhodi okungenzeka ukuthi akhiphe ithenda enkampanini yabaxhumanisi ngegama le-21st Century Consulting ngokungekho emthethweni. Umbiko wokucwaningwa kwamabhuku wenze lokhu okulandelayo:

1. Ukuthi iPublic Finance Management Act (PFMA) ayilandelwanga.
2. Kube nokunganakwa kwemikhombandlela yokuphathwa kwebhizinisi.
3. Ukubukisa ngezinqubo zokuthenga.
4. Ukweqisa okusobala nokungekho emthethweni/ukuphazamisa komqondisi njengoba kuhlongozwe uMthetho Wezinkampani.

Encwadini siphinde safaka isicelo sokuthi kukhishwe uThandeka Mgoduso oseyibamba likaSihlalo weBhodi kwaSAA. Ngokombiko ube nesandla esikhulu ekunikezeni le nkampani ithenda. Ibhodi alikasiphenduli isicelo sethu.

Silusukumele udaba lokugxambukela kukaNksz Mgoduso ekusebenzeni kwansuku zonke kwenkampani yezindiza. Siphinde saphakamisa lolu daba kungqongqoshe wezamaBhizinisi kaHulumeni uPravin Gordhan. Sinikeze ibhodi izinsuku ezimbili ukuthi liphendule ezicelweni zethu zokuthi akhishwe kanti alikasiphenduli isicelo sethu.

Kungumbono wethu ukuthi i-SAA ingakwazi ukwenza inzuzo futhi. Izinkinga zayo ziwumphumela wokungaphathi ngendlela nenkohlakalo kwabaphathi. Yingakho njengezinyunyana sichitha noma yiziphi izikhalo zokuthi iSAA idayiswe noma izimele njengesixazululo sezinkinga zayo zezimali. Ukwenziwa kwangasese kuzoholela ekulahlekelweni kwemisebenzi okukhulu kwabasebenzi, futhi kube nezindleko eziphakeme kumthengi.

Ngakho-ke sithanda ukukubeka kucace ukuthi njengoba sisalungisa izinhlelo zethu zokuphoqa ungqongqoshe ukuthi ahlakaze ibhodi elikhona futhi asuse ngokushesha lawo malungu ebhodi nabaphathi abathintekayo ekukhishweni kwaleli thenda ngendlela engafanele, sizobe yeseka noma yimiphi imizamo, okuhlanganisa nesinyathelo sesiteleka esinxuswe yi-SAPA ukuze kuvikelwe le mpahla futhi kuqedwe inkohlakalo.