Ukuvakasha kukaPapa Benedict XVI eZweni Elingcwele akuzange kube nomthelela olindelekile embonini yezokuvakasha yakwa-Israel njengoba kwakucatshangwa ekuqaleni. Izibalo ezishicilelwe kuleli sonto yi-Israel Hotel Association ziveza ukuthi uMeyi, okuyinyanga yokuvakasha kukapapa, kwehle ngo-31% isibalo sezindawo zokuhlala izivakashi kwa-Israel.
Ngaphezu kwalokho, ukwehla okukhulu kwabonakala ezindaweni lapho ama-pilgrim angamaKristu ayevame ukuhlala khona ngesikhathi sokuvakasha kukapapa. Ngokwezibalo ze-IHA, kube nokwehla okungama-42% kwezindawo zokuhlala izivakashi eJerusalema, kwehle ngo-44% o=e-kibbutzim, kwehle ngo-22% eTiberius, kanye nokwehla ngo-28% oLwandle Olufile.
Ezinye izindawo ezweni nazo zibe ngofakazi balesi simo sokwehla kwezokuvakasha. INetanya ibone izindawo zokulala izivakashi ezingaphansi ngo-28%, iTel Aviv yancipha ngo-22%, kwathi i-Eilat yaba ngaphansi ngo-15%.
Indawo okuwukuphela kwayo ezweni ethokozele ukwanda kwezokuvakasha ngenyanga kaMeyi kwakuyiNazaretha, nenyuke ngo-2% ezindaweni zokulala izivakashi uma kuqhathaniswa noMeyi 2008.
USihlalo we-IHA u-Shmuel Zuriel uxwayise kuleli sonto ngokuqhubeka nokubhidlika kwezokuvakasha kwamahhotela, waphinde wakhomba uhulumeni ngomunwe, wathi unesibopho sokugqugquzela ezokuvakasha ngokususa usongo lokukhokhisa intela yokudayiswa kwezivakashi ohlelweni.
Isibalo sabavakashi abangena kuleli (inkomba ehlukile kuneyalabo nayo yehla, nokwehla ngo-22% uma kuqhathaniswa noMeyi wangonyaka odlule.” Nokho, uMnyango Wezokuvakasha usabambelele ezibalweni ezikhuthazayo ezibonisa ukwanda kwezivakashi ezivakashela e-Israel. emazweni athile, okuhlanganisa i-Italy ngama-21%, iSpain ngama-41%, kanye neRussia ngama-10% uma kuqhathaniswa noMeyi ka-2008.
UNgqongqoshe wezokuVakasha u-Stas Misezhnikov (Yisrael Beiteinu) uthe iqembu lakhe lizovota liphikisana nesabelomali uma into yokukhokhisa intela yokuthengisa kubavakashi iphumelela ekufundweni kwesibili nokwesithathu. Ungqongqoshe uthe isenzo esifana nalesi siwubuwula futhi sizoholela ekuxoshweni kwezinkulungwane zabasebenzi embonini futhi kungase kubangele ingozi ebulalayo embonini yezokuvakasha yakwa-Israel, umkhakha osekuvele unezinkinga ezinkulu ngenxa yenkinga yezimali emhlabeni.
