Isivakashi saseMelika kanye nengane yaso enonyaka ubudala banyathelwe bafa yindlovu eKenya, kusho izikhulu.
Babehamba beyiqembu eMount Kenya Forest nomqondisi wezivakashi ngesikhathi indlovu ihlasela.
“Owesifazane nendodakazi bashonele khona lapho. Abanye baphunyuke bengalimalanga ngoba bekwazile ukugijima,” kusho abezindaba ze-AFP ecaphuna iphoyisa lisho kanje.
Umnikazi wendawo ababehlala kuyo leli qembu utshele iphephandaba laseKenya ukuthi indlovu ihlasele ngemuva.
UMelin Van Laar utshele leli phephandaba ukuthi abaphathi bendawo yokuhlala kanye nabe-Kenya Wildlife Service baxoxa ngokunikeza abaqondisi izibhamu.
Lona wesifazane, 39, elingakadalulwa igama lakhe, ubeseholidini nomyeni wakhe - okubikwa ukuthi usindile kulesi sigameko.
Izidumbu zabashonile zithuthelwe ngendiza enhlokodolobha, iNairobi.
Izindlovu ezinyathelayo zingafinyelela isivinini esingaba ngu-25mph (40km/h).