KHANQIN, Iraq - Oshayasibhamu bavulele ngenhlamvu bebhekise emabhasini ezivakashi ngoLwesithathu e-Iraq, kwashona abantu abahlanu base-Iran, kusho imithombo yamaphoyisa.
Abahlaseli bashayise uhide lwamabhasi amancane amathathu esifundeni i-Imam Wais esifundazweni i-Diyala edolobheni laseKhanqin, kusho umthombo wamaphoyisa ongashayi eceleni utshele i-KUNA, isikhungo sezindaba sase-Kuwait.
Imithombo ithi bonke abashonile ngabesifazane kwathi abanye abangu-20 balimala baphuthunyiswa ezibhedlela kulesi sigameko.
Lokhu kuhlasela kwenzeke ngesikhathi izivakashi zase-Iran zithutheleka e-Iraq zizovakashela izindawo ezingcwele zamaShiite eNajaf, Karbala, Koufa naseSamara, kusho iKUNA.
