Izivakashi zingase ziphephe eTanzania noma cha? Izinxushunxushu zezombangazwe zithatha izintambo kubonakala sengathi. Umfundi wesifazane owenza unyaka wokuqala ubulawe ngesihluku edolobheni lezentengiselwano eTanzania, iDar es Salaam ngoLwesihlanu olwedlule njengoba isimo sezepolitiki sishuba ngesikhathi somkhankaso wokhetho oluncane.
Umfundi, u-Aquilina Baftaha udutshulwe ngesihluku ngenhlamvu eyodwa yamnqamula ekhanda, washiya umufi ehlezi ebhasini lasedolobheni abeligibele esendleleni ebheke edolobheni lomlando iBagamoyo.
Inhlamvu ebulale lo mfundi idutshulwe ngesikhathi kunengxabano phakathi kwamaphoyisa ombuso waseTanzania nababhikishi beqembu eliphikisayo iChama Cha Demokrasia na Maendeleo (Chadema) Party ngoLwesihlanu kusihlwa.
Izinhlangano ezilwela amalungelo abantu zizwakalise ukwesaba ngezehlakalo zakamuva, ezimbi ngokwezepolitiki.
Ukubulawa ngesihluku kwalo mfundi weNational Institute of Transport (NIT) eDar es Salaam kuqubule ulaka kubakhankasela bamalungelo abantu.
Iqembu eliphikisayo iChama Cha Demokrasia na Maendeleo (Chadema) lithi lishaqekile isigameko sokudutshulwa kubulawe umfundi wesifazane wasenyuvesi ngesikhathi amaphoyisa ehlakaza umbhikisho onokuthula obuwuhlelile.
Lo mfundi owenza unyaka wokuqala enyuvesi ushaywe ngesihluku ngenhlamvu engaphakathi ebhasini ngosuku olwandulela olokhetho lokuchibiyela ephalamende ebelikade libhekwe ngabomvu esifundeni saseKinoni.
"Intombazane encane ebingeyona ingxenye yeqembu lethu ibulawe yinhlamvu eyayishaya," kusho uVincent Mashinji, uNobhala Jikelele weqembu eliphikisayo i-Chadema.
Izikhulu ze-Chadema zithe umholi weqembu endaweni, uDaniel John, wathunjwa, wahlukunyezwa wabe eseshaywa waze washona ngemuva kokuthi amadoda angaziwa embophele emotweni ngeledlule.
NgoSepthemba 2017, ummeli omkhulu weqembu eliphikisayo uTundu Lissu wadutshulwa amahlandla amaningi esemzini wakhe enhlokodolobha entsha yaseTanzania, iDodoma.
SEKUQUBUKE uvalo kubaphathi benqubomgomo abaqavile, ikakhulukazi emaqenjini aphikisayo nezintatheli mayelana nokuthumba, ukuhlukunyezwa nokubulawa kwabantu abangaziwa.
