Kushone okungenani abantu abahlanu namuhla ngesikhathi oshayasibhamu bevulela ngenhlamvu ebhasini nasezimotweni ochungechungeni lokuhlasela eduze kwendawo yokuvakasha yakwa-Israel i-Eilat.
Izinhlamvu, izikhali kanye ne-anti-tank missile konke kwadutshulwa futhi kwaqhunyiswa ibhomu eceleni komgwaqo ngesikhathi sokuhlasela izikhulu zakwa-Israel ezazisola amaphekula aseGaza. Ibhasi elishayiwe bekubonakala ukuthi belithwele izivakashi.
Amaphekula amathathu kubikwe ukuthi aphakathi kwabashonile ngemuva kwengxabano yezibhamu namasosha ayisipesheli akwa-Israel, kodwa ibingekho imininingwane esheshayo mayelana nokuthi ngobani abanye abashonile. Babalelwa eshumini abantu abalimele.
ULieutenant Colonel Avital Leibovich, okhulumela umbutho wezempi wakwa-Israel, uthe: “Sikhuluma ngeqembu labashokobezi elingene kwa-Israel. Lokhu ukuhlasela kwamaphekula okuhlangene kwa-Israel.”
