Babalelwa ku-60 abantu asebeshonile kwathi inqwaba yalimala ngemuva kokuqhuma okucekele phansi indawo yokudlela enezitezi ezimbili eMadhya Pradesh eNdiya, kubika amaphoyisa.
"Indawo yokudlela ibisendaweni egcwele phama futhi abantu abaningi bebelapha bedla isidlo sasekuseni, yingakho abalimele bephezulu kangaka," kusho u-Seema Alava, oyisikhulu samaphoyisa e-Jhabua, etshela i-Agence France-Presse ekulesi siza ngocingo.
Ukuqhuma, okudabule indawo yokudlela esifundeni saseJhabua, kukholakala ukuthi kuwukuqhuma kwesilinda segesi.
Kwenzeke edolobheni lasePetlawad cishe ngo 8:30 ekuseni ngesikhathi sendawo .
Isitezi sesibili sale ndawo yokudlela kuthiwa bekunehhotela.
Izakhiwo eziseduze kwendawo yokuqhuma nazo zilimele kakhulu.
Abatakuli bebethungatha abasindile kule mfucumfucu. Indawo okuqhunyiswe kuyo iziqhumane ibibiyelwe ngamaphoyisa.
Indawo yokudlela iseduze nesitobhi sebhasi esiphithizelayo, esichaza isibalo esiphezulu sabantu abalimele, kubika i-AFP, icaphuna u-Anurag Mishra, isikhulu segumbi lokulawula amaphoyisa esifundeni.