I-2010 Transfrontier Conservation Areas (TFCAs) yethulwe ngamazwe ayisishiyagalolunye aseNingizimu Afrika kuTourism Indaba 2008 emzamweni wokukhuthaza ezokuvakasha kulawa mazwe.
I-Angola, iBotswana, iLesotho, iMozambique, iNamibia, iNingizimu Afrika, iSwaziland, iZambia kanye neZimbabwe ngoMgqibelo bakhombise ngazwi linye ukweseka kwabo igama elithi “Boundless Southern Africa”.
Ngesikhathi ethula inkulumo yakhe, iPhini likaNgqongqoshe wezeMvelo kanye nezokuVakasha uRejoice Mabudafhasi uthe inhloso yophawu lwe-'Boundless Southern Africa' wukuba igama eliyiqiniso eNingizimu Afrika lapho la mazwe ayisishiyagalolunye ehlangene ngokuthanda imvelo, amasiko nomphakathi.
"Ubunikazi besifunda kanye nomlingiswa ochaza lolu hlobo lomkhiqizo ngokuphelele ukuhlonipha isimilo esijulile samagugu ethu amasiko nemvelo, kanye nendima yalo echazayo ezimpilweni zethu njengemiphakathi."
Ukuthuthukiswa kohlobo oluhlanganyelwe kusekelwe phezu kogqozi lokusingatha INdebe Yomhlaba ye-FIFA yowezi-2010 eNingizimu Afrika ukuthi ukusingatha indebe yomhlaba ngeke kuzuzise iNingizimu Afrika kuphela kodwa sonke isifunda seNhlangano Yokuthuthukiswa Kwamazwe AseNingizimu ne-Afrika (i-SADC).
UNksz Mabudafhasi uthe le ndebe yomhlaba izohambisana noxhaxha lwamathuba ebhizinisi, ukutshalwa kwezimali kanye nezokuvakasha esifundeni sethu nasezwenikazi i-Afrika yonkana.
“Sinethuba lapha lokubumba isithunzi saseNingizimu Afrika ngendlela okungenzeka singaphinde sibe nayo.
“Ngakho-ke kubalulekile ukuthi isifunda kanye nezwekazi lonke lihlele futhi lisebenzise amasu azokwenza ukuthi la mathuba afezeke,” wengeza.
Emhlanganweni woNgqongqoshe Bezokuvakasha abavela emazweni angamalungu e-SADC owawungoNhlangulana wezi-2005 eGoli, bonke ongqongqoshe bazibophezele ekukhuliseni ikhono lezokuvakasha lesifunda.
Ngalowo nyaka amazwe ayisishiyagalolunye aseNingizimu ne-Afrika agunyaze isu okuhloswe ngalo ukukhombisa ama-TFCA ayisikhombisa atholakala emazweni awo.
Inhloso yeQhinga Lokuthuthukiswa Kwe-TFCA lika-2010 naNgaphesheya ukukhulisa amandla ezokuvakasha e-Afrika eseNingizimu ngokuhlanganisa ukukhangisa, ukuthuthukiswa kwengqalasizinda kanye nemizamo yokugqugquzela ukutshalwa kwezimali kwezinhlelo ezikhona zokongiwa kwemingcele.
Amathuba avezwa yindebe yomhlaba embonini yezokuvakasha, ahlanganisa ukwanda kwezivakashi ezifikayo kanye nokwanda kokugxilwa kwemithombo yezindaba ukuze kuphawulwe futhi kumakethwe isifunda njengendawo ekahle yokuvakasha kanye nokubhekana nezinselele ezibalulekile zokuletha ulwazi.
“Isipiliyoni sezokuvakasha esiyingqayizivele esinikezwa yile ndawo ngokuqinisekile sisenza sihluke emhlabeni wonke.
“Simi ngomumo ukwamukela umhlaba endaweni yethu. Uhlu lwemikhiqizo yethu alunakuqhathaniswa, uma sibala nje embalwa, luhlanganisa iziqiwi ezidumile emhlabeni wonke, iVictoria Falls, Ukahlamba-Drakensberg, i-Okavango Delta, iFish River Canyon, izingwadule nemifula, konke okungaphakathi kweTFCAs,” kusho uNksz Mabudafhasi.
allafrica.com
