Izinkulungwane zabantu baseBrazil zingenele isiteleka, esinxuswe yizinyunyana, ukuthi zibhikishele izinguquko zempesheni ezidingidwa kuKhongolose.
E-Rio de Janeiro, amaphoyisa athuthele ngesisi esikhalisa unyembezi kubabhikishi ababezama ukuvimba i-Avenida Brasil, kuyilapho izakhamuzi zaseSao Paulo zivuka zithole ababhikishi beshisa amathayi emgwaqeni omkhulu waseRodovia Anhangüera.
Lesi siteleka ngesokuqala salolu hlobo selokhu uMengameli uJair Bolsonaro athatha izintambo ngoJanuwari.
Abaphathi bahlose ukunyusa iminyaka yobudala yokuthatha umhlalaphansi ifinyelele ku-65 kwabesilisa kanye nama-62 kwabesifazane kanye nokwandisa iminikelo yabasebenzi.