Beijing – ITibet izophinde ivulelwe izivakashi zakwamanye amazwe kusukela ngoLwesithathu, kusho abezindaba zaseChina iXinhua, ngemuva kokuthi lesi sifunda sivaliwe ukuze kungene izivakashi zakwamanye amazwe kulandela izibhelu zakhona ngoMashi.
UXinhua ucaphune uTanor, oyisikhulu esiphethe ezokuvakasha kulesi sifunda, wathi ukudlula kwesibani sama-Olympics e-Lhasa ngempelasonto kufakazele ukuthi lesi sifunda besizinzile ngokwanele ukubuyisela izivakashi zakwamanye amazwe.
“I-Tibet iphephile. Siyabamukela abavakashi bakuleli nabakwamanye amazwe,” kusho uXinhua ecaphuna uTanor, onegama elilodwa vo, esho kanje embikweni wangoLwesibili.
Uhulumeni waseChina wavala iTibet kubavakashi kulandela izibhelu ezaqubuka eLhasa ngoMashi 14 futhi zasabalalela ezindaweni zaseTibet ezifundazweni ezingomakhelwane.
Lesi sifunda savulelwa izivakashi zasekhaya ngo-Ephreli 23 kanye nezivakashi ezivela eHong Kong, Macau naseTaiwan ngoMeyi 1, kusho uXinhua.
umlondolozi.co.uk
