LAGOS - Indiza yeBritish Airways ebibheke eLondon ifike yahlala ngokuphuthumayo enyakatho neNigeria ngoMgqibelo ebusuku, kusho inkampani yezindiza ngeSonto.
“Abasebenzi basendizeni bathole intuthu ku-cockpit base bethatha isinqumo sokuphambukisa njengendlela yokuzivikela. Indiza ifike iphephile eKano,” kusho isikhumulo sezindiza esiseduze, kusho isitatimende.
“Siyaxolisa kubagibeli ngokuphazamiseka okudalekile. Senza konke esingakwenza ukuze sibafikise lapho beya khona ngokushesha okukhulu.
“Onjiniyela bayayihlola indiza. Azikho nhlobo izinkomba zokuthi bekunomlilo noma amalangabi abeqhamuka ezinjinini,” kwengeza.
Abezindaba baseNigeria babike ukuthi i-BA Boeing 777 isuke e-Abuja inabantu abangu-155 ngesikhathi abasebenzi bethola intuthu ephuma kwenye yezinjini.
