Njengoba kubikiwe ephephandabeni iKenya Standart, uNobhala weKhabhinethi yezokuThutha u-Kipchumba Murkomen ngoMgqibelo ekuseni, ngomhlaka-5 Novemba, walibangisa e-JKIA emhlanganweni onzima nabaphathi abaphezulu beKenya Airways kulandela isiteleka sabashayeli bezindiza.
Kusukela ngo-6 ekuseni ngoMgqibelo isikhumulo sezindiza saseMpumalanga Afrika esimatasa kakhulu, i-Jomo Kenyatta International Airport eNairobi yayikhubazekile.
I-Kenya Airline Pilots Association (KALPA), ifuna ukuthi iKenya Airways iqale kabusha iminikelo esikhwameni sayo sempesheni yabasebenzi esamiswa ngesikhathi sodlame lwe-COVID.
Uhlelo lwempesheni ye-KQ ludinga okungenani u-Sh1.3 wezigidigidi ngonyaka, abashayeli bezindiza bagoduke nesamba esikhulu kunazo zonke, u-Sh700 wezigidi.
Abashayeli bamabhanoyi abatelekile bafuna kususwe ibhodi nezikhulu zenkampani yezindiza, bebala izindaba zokuphatha.